Yeh Baarishon Ke Mausam
Bas Tum Se Hein Waabastaa...
Ke Mohabbaton Mein Baarish
Barii Laazmi Si Shay Hai...
Chaahay Aasmaan Se Barsay,,
Chaahay Chashm e Namm Se..

Mujhe Acha Sa Lagta He
Tumhi Ko Dekhte Rehna
Tumhi ko chahte rehna
Tumhi Ko Sochte Rehna
...
Tumhi Ko Sunte Rehna
Bohot Gehre Khyaalo Mein
Jawabo Mein Sawalo Mein
Mohabbat Ke Hawalo Mein
Tumhara Naam Aa Jana
Mujhe Acha Sa Lagta Hai
Tumhare Sang Sang Chalna
Wafa Ke Aag Me Jalna
Tumhe Naraz Kar Dena
Kabhi Khud Bhi Ruth Jana
Tumhari Berukhi Pe Bhi
Tumhari Aarzoo Karna
Khud Apne Dil Dharkan Se
Tumhari Guftugu Karna
Mujhe Acha Sa Lagta
Hai.....

tum esa krna,
koi jugnu koi sitara,
sambhal rakhna,
mere andheron ki fikr choro,
bs apne ghr ka khayal rakhna,
hamari ankhon ne jo mil k dekhe,
wo sare sapne sambhal rakhna,
judai apni to arzi he,
na dil me iska malal rakhna,
tumhari sansen,
tumhari dharkan,
suno,
hamari amanaten hen,
hamari khatir hi jan e jana,
hamesha apna khayal rakhna,

Ab kisi aor ko chaaho'n to shikaayat kaesi..

Mujh se bichhrry ho, mohabbat meri aadat kar k..

Ik jahaa'n hon, jahaa'n jahaa'n hon main.
Bhuuli bisri c daastaa'n hon main.
Phuul hon bar-sar e sinaa'n hon main.
Naavak e nik'hat e nihaa'n hon main.
Lamakaanon ka ik makaa'n hon main.
Maawara e zamaa'n , zamaa'n hon main.
Main saraapa e ahsan e taqweem.
Ruuh e wal-asr main rawaa'n hon main.
Paekar e khaak o baad o aatish o aab.
Haan ye main hon magar kahaa'n hon main.
Aks dar aks, aks e haerat hon.
Kaesa khoya hua samaa'n hon main.
Ik ajab daaemi tamaasha hy.
Deeda o dil k darmiyaa'n hon main.
Aap aen ul yaqeen ho saaen.
Apny baary main be gumaa'n hon main.
Ho ata lams e lab, b' ism e Aziz.
Warna ik harf e raaegaa'n hon main.

Poet Aziz Shahid

Wussat-e-Gham...!!!!~

Dard Se Yeh......
Raat Karah rahi Hai....
Sonay nahin Dayti Mujhay....
Gehri Khamoshi K seenay Main....
Karb Angaiz Siskiyaaan...
Paywast Ho rahi Hain...
Iski amber Fishaan zulfaain...
Wajood pe maire....
Chaai Ja rahi hain...
Maira Wajood?
Yani Main....
Nahin mujhay Ehsaas Jiska...
yeh Maira Wajood Hai..
Yeh Main hon...
Ya Dera Hai koi Gham Ka....
Ya...
Basaira Hasraton Ka...
Jis main Hain Qaid...
MEri Rooh Meri Jaaan....
Maira Dard....
Raat ki Nas Nas main...
kar chuka Saraiyaat...
Phailta hi Jata hai.....
jaisay Kay...
Parday-e Shaaab
Pori Kainaat Per..
Yeh Na thi mujhay khabaaR....
apne Gham ki Wussat ki......
Kitna Waseee hai maira Gham....
Simaat Jaay gar yeh.....
Kudh ko Bay Ghar paaon gi...
Main Kahan Phir jaaaon Gi..

Raakh Dil ki kureedi Shararay Milaay......
Terigi main Hamaain tu Sitaray Milay....
Shorish-e-Arzoo Ne Kia dar ba dar....
Gham ki Bahon main ham ko sahare Milaay.....
is Qadar Dayrpa thin Wafaain meri...
Sab Dilon Main Nishaan bhi Hamaray milaay...
Kudh hameen ne unhain bhi daboo hi diya....
gardishon main kabhie jab kinaray Milaay...
Her wazahaat adhori rahi..go teri....
Unkahi baat main bhi isharay milaay...!!!!

Tassawur Main Baharon Ka Saman Hai...
Magar Dil Main Kahin Dagh-e-Khizaan Hai....!!!~

Muyyasir Hi Nahin Insaan Yahan Per.....
Khudaya Ye Tera Kaisa Jahan Hai...!!~

Tu Rahay Shamil Agar Her Yaad Main.....
Zindigi Ka Silsila Chalta Rahay...!!!~

Gar Bhula Don Ajnabi Sa Wo Lagay....
Jab Talak Sochon Ussay Apna Rahay..!!~

Tang a chukay hain kashmakash zindigi se ham..
Thukra na dain jahan ko kahin bay dilli se ham..

Mayosi-e-Mal-e-Mohabbat na pochiyeh...
Apnon se paaish aay hain baygangi se ham...

Lo aaj ham ne tor dia rishta-e-Umeed..
Lo ab kabhie Gila na karain gay kisi se ham...

Ubhrain gay aik bar abhi dil k walwalay...
Go dab gay hain bar-e-Gham-e-zindigi se ham...

Gar zindigi main mil gay phir itefaq se
Pochain gay apna haal teri bay basi se ham...

Allah re Faraib-e-mashiyat ke Aj tak..
Duniya ke Zulm Sehtay Rahay Khamoshi ke Sath..!!!~

AUR MUJHAY SIRF PAYAR CHAHIYE THA…

Dard k Baadbaan Say Lag Kar...

Zindgi ka Qaraar chahiye tha

Baat itni si hai ..TUMHAY Mujh say

Raat Din ka Shumaar Chahiye tha

"Aur Mujhay Sirf Pyaar Chahiye Tha"

Main Bohat Raigzaar mein khush tha

Dard k Karobaar mein khush thaaa

Tum ko Dunia k Sath Chalna tha

Aish-o-Ishrat, Waqaar Chahiye thaa

"Aur Mujhay Sirf Pyaar Chahiye Tha”

APP BOHAT YAD AATAY HEIN…!!~

Ghanghoor Ghataey Aatay Hain

Jab Nadyaan Jhomte Gaatay Hain

JabLahrain Shoor Machatay Hain

JabAap Bohat Yaad Aatay Hain

Badal Baras Kar Chat Jatay Hain

Qatray Mouti Ban Jatay Hain

Kirnay Rang Bikhratay Hain

Jab Aap Bohat Yaad Aatay Hain

Do Dewanay Jab Miltay Hain

Phool Mohabbat Kay Khiltay Hain

Dewaray Bhi Gaatay Hain

Jab Aap Bohat Yaad Aatay Hain

Chanda Tumhari Yadain Lay Kar

Kirnoon Ke Barsatain Lay Kar..!!~

Chaandni Ratain Aatay Hain

Jab Aap Bohat Yaad Aatay Hain..!!~

Aao Kay Hum...

Apni Apni Ranjshon KO Bhula Dain...

Dil Say Kadoortun Kay Ghubaar KO Nikal Dain...

Aur Nafratain...

Jo Boi Hain Ghalt Fehmion Nay...

Unhain Mitta Dain...

Agar Tum Pehal Nahin Kartay To Chalo...

Hum Hi Qadam Barha Dain ...

Ka Mohabbaton Mein ....

Aana Ki Baat Nahin Chalti..!

Shukar Hai Kay Sukh Ki Sari Duaain Kabool Nahin Ho Jatin…Warna Tu Kabhie Ham Apnay Aap KO…Dekh Sakain Na Sun Sakain, Aur Na Kabhie Choo Sakain…!!!~

Yeh dil yeh pagal dil mera kion bujh gaya, awargi!
is dasht main ik sheher tha, woh kia hoa, awargi!

kal shab mujhay bay shakal si awaaz nay chonka dia
main nay kaha tu kon hya? us nay kaha, "awargi"

logoo bhala is sheher main kesey jeyeengay hum, jahan
ho jurm tanha soochna, laikin saza "awargi"

yeh derd ki tanhaiyaan, yeh dasht ka weeraan safar
hum loog to ukta gayeee, apni sunaa "awaargi"

ik ajnabi jhonkay nay jub poocha mairey ghum ka sabab
sehra ki bheegi rait peh, main nay likha "Awargi"

us simt main wehshi khuwahishoon ki zad main paimaan-e-wafa
is simt lehroon ki dhamak, kacha ghara, awargi

kal raat tanha chand ko daikha tha main nay khuwaab main
Mohsin mujhay raas ayee gi shaid sada Awargi......................

Ye Raakh Raakh Ruttein, Apni Raat Ki Qismat
Tum Apni Neend Bujhaa,o, Tum Apnay Khuaab Chuno
Bikherti Doobti Nabzoon Pe Dhiyaan Kiya Dena
Tum Apnay Dil Main Dharaktay Hovay Haroof Suno
Tumharay Shehar Ki GaliyooN Main Sail-E-Rang Bakhair
Tumharay Naqsh-E-Qadam Phool Phool Khiltay Rahien
Woh Rahguzar Jahan Tum Lamha Bhar Thehar Kay Chalo
Wahan Pe Abar Jhukein, Aasmaan Miltey Rahien
NahiN Zaroori Kay Har Ajnabi Ki Baat Suno
Har Aik Sadaa Pe Dharakna Bhi Dil Ka Farz Nahin
Sukoot-E-Hulqa-E-Zanjeer-E-Darr Bhi KiyoN Tootay
Sabaa Ka Saath Nibhaana Junoon Ka Qarz Nahin
Hum Aisay Log Bohat HaiN Jo Sochtay Hi Nahin
Kay Umer Kaisey Kati, Kis Kay Saath Beet Gayee
Hamari Tushna-Labi Ka Mizaaj Kiya Jaanay
Kay Fasal-E-Bakhshish-E- Moj-E-Furaat Beet Gayee
Ye Aik Pal Tha Jissay Tu Nay Nooch Dala Hay
Woh Aik Sadii Thee Jo Bay-Iltifaat Beet Gayee
Hamari Aankh Lahoo Hay, Tumhein Khaber Hogi
Chiraagh Khud Se Bujha Hay Kay Raat Beet Gayee

Wooh Bhee Kia DIn Thay Kay Pal Main Ker Diya Kertay Thay Hum...Ummr Bhaar Ke Chahatain Her Aik Herjai Kay Naam

Wooh Bhee Kia Mausaam Thay Jin Ke Nikhatoon Kay Zaika...Likh Diya Kertay Thay Khaal-o-Khad Ke Ranaai Kay Naam

Wooh Bhee Kia Subhhain Theen Jis Ke Muskurahat Ka Fasoon..Wakf Tha Ahl-e-Zubaan Ke Bazmm Arai Kay Naam

Wooh Bhee Kia Shaammain Theen Jin Ke Shohraatain Mansoob Theen...Be-Sabab Khultay Hue Baloon ke Ruswai Kay Naam

Ab!...Yeah Alaam hai Kay Her Taza Qyamaat Ka Azaab..Apnay Dil Main Jagtay Zakhmoon Ke Gehrai Kay Naam

Ab! kay Apnay Ansoon Kay Saab Shakista Ayeenay...Kuch Zamanay Kay Liye Kuch ...Apni Tenhai Kay Naam

Woh ajnabi ajnabi se chehray,woh khawab khaimay rawan dawan se
Basay hoay hain abhi nazar mein,sabhi manazir dhuwan dhuwan se


Yeh aks-e-dagh-e-shikast-e-paymaan,wo rung-e-zakhm-e-khulos-e-yaraan
Main ghumgusaaroon mein sochta hoon,keh baat chheroon kahan kahan se


Ye sungraizay adawtoon ke,woh aabgenay sakhawtoon ke...!!
Dil-e-musafir qubool kar le, mila hai jo kuch jahan jahan se


Bichharrnay walay bichherr chala tha to nisbtain bhi ganwa ke jata
Teray liey shehr bhar se ab bhi main zakhm khaaon zubaan zubaan se


Meri mohabbat ke wehmoon se paray tha tera wajood warna..!!
Jahan jahan tera aks thera, main ho ke aya wahan wahan se


Tu humsafar hai na humnafas hai,kisay khabar hai keh tu kidhar hai
Main dastkain de ke pooch baitha makeen makeen se makan makan se


Abhi mohabbat ka ism-e-aazam laboon pe rehnay de jan-e-MOHSIN
Abhi hai chahat nai nai si, abhi hain jazbay jawan jawan se

Wo larki bhi aik ajeeb paheli thi
piyasay hont thay, ankh samander jaisi thi

Soraj usko dekh kay peela parta tha
wo sarma ki dhoop main dhul kar nikalti thi

usko apnay saay say dar lagta tha
soch kay sehra main wo tanha hirni thi

atay jatay mausam usko dastay thay
hanstay hanstay palkon say roo parti thi

adhi raaat ganwa dayti thi chup reh kar
adhi raat kay chand say batain karti thi

dooor say ujray mandir jaisa ghar uska
wo apnay ghar main ikloti dayvi thi!

moom say nazuk jism sehr ko dukhta tha
diyeh jala kar shab-ber aap pighalti thi!

taiz hawa ko rok kay apnay anchal per
sookhay phool ikathay karti phirti thi

sab per zahir kar dayti thi bhaid apna
sab say ik tasveer chuppaye rakhti thi

kaal shab chikna chor hua tha dil uska
ya phit pehli baar wo khul kay roeee thi

mohsin kia janay kiyon dhoop say bay-perwa
wo apnay ghar ki dehleez per baithi thi?

Wo bazahir jo zamane se khafa lagta ha
Hans ke bole bhi tu duniya se juda lagta ha

aur kuch dayr na bujhne de issay Rabb-e-Sahar
Doobta chaand mera dast-e-dua lagta ha

jis se maoun phair ke raste ki hawa guzri ha
kisi ujray huay angan ka dia lagta ha

Ab ke sawan main bhi zardi na gai chehron ki
aisay mausam main tu jungle bhi hara lagta ha

shehr ki bheer main khilte hain kahan uske naqoosh
Aaao tanhaee main sochain ke wo kia lagta ha

Maoun Chuppay huay guzra ha jo Ahbab se aaaj
uski ankhon main koi zakhm naya lagta ha

Ab tu "Mohsin" ke tasawur main utar Rabb-e-Jaleel
is udasi main tu pathar bhi khuda lagta ha..!!!