Udaas Rut...
IntezaaR Mausam....
Hawa Ki Yakh Basta Aahaton Se Paray..
Khamoshi Ki Zard Chadar Badan Orhay...
Khizan Raseeda Shajar Ki Tehni Pe Jhoolta Chand Keh Raha Hai...
Keh.. So Bhi Jaoo...
Keh.. So Bhi Jaoo Udaas Logo!!
Wo Ajnuman Jis Ki Jhilmilati Tamam Shamaain..
Tamam Rataain...
Tamam Bataain...
Kabhie Tumhari Mohabbaton Se Bhare Zamanon Ki Tarjuman Thin...
Kabhie Tumhare Tamam Lamhon Pe Mehrbaan Thin..
Wo Anjuman Ab Tumhari Sochon Se Door...
Khawabon Ki Dastakon Se Paray Sajjay Gi..
Kabhie Tumhare Badan Ki Khushboo Se Khailti Thi Jo Raat Rani...
Wo Hijr Ke Adh Khulay Dareechay Main Hanmpte Huay..
Akhri Saans Lay Rahi Hai...
Udaas Logo!!
Ujaar Ankhon Ke Aainay Tordo Keh In Main..
Na Koi Aaks Nigaar Hasti...
Na Koi Basti Hi Basaa Sako Gay...
Bas Ik Mata-e-Hayaat Baqi Hai Ab Jisse Tum..
Ganwa Sako Gay...
Tu Is Se Pehle Ke Saans Ki Dori Toot Jay...
Hawa Ki Hatheli Se...
Khusboaaon Ka Her Rishta Hi Toot Jay..
Kiran Kawaron Ko Band Kar Ke..
Ujar Khawabon Ki Rehguzar Ka Gubar Ankhon Main Bhar Ke...
Har Soo Hawa Ke Hathon Bikher Bikher Ke...
Kudh Apne Ander Ke Dukh Ki Matti Main Kho Bhi Jaao!
Hawa Yeh Kehti Hai.. So Bhi Jao...
Udaas Rut..
IntezaaR Mausam...
Kabhie Kissi Ke Na Ho Sakaain Gay...
Udaas Logo!!