Meray Khuwab Meray Jazbaat Sirf Meray Tak Hain.....!!

Meray Khuwab Meray Jazbaat Sirf Meray Tak Hain.....

MerayBaad Enhay Yaad Karay Ga Kaun,

Meri Chahaat Ban Jaye Gi ek Afsana,

Meri Mohabat Ko Yaad Karay Ga Kaun.

Meray Khuwab Meray Jazbaat Sirf Meray Tak Hain.....

Meray Tak Hain Yeh Tamam Gulzaar Nazaray,

Meray Baad Enhay Aabad Karay Ga Kaun,

Meri Kahaniyian Bikhrein Gi Rahoon Pay,

Meray Afsanoon Ko Yaad Karay Ga Kaun,

Meri Khatayon Ko Shumar Karay Ga Zamana,

Meri Lafzon Ko Yaad Karay Ga Kaun.

Meray Khuwab Meray Jazbaat Sirf Meray Tak Hain.....

Jo Guzaray Thay Hum Nay Zamanay Mill Kay Un Zamanon Ko Yaad Karay Ga Kaun,

Meri Aahein Meray Saath Ho Jaien Gi Dafan,

Meray Aashkon Ko Yaad Karay Ga Kaun,

Ek Tum Say Hai Zinda Yeh Chahaat Meri Tum Hee Na Ho Gay Tuo Yaad Karay Ga Kaun,

Meray Darakhtoon pe wafaon ke patte abhi Baqi hai,

Meray baad inhain Labraiz karega kaun,

Teri Ummed ke Chiragon main lo abhi baqi hai,

Meray baad inhain roshan karega kaun.

Meray Khuwab Meray Jazbaat Sirf Meray Tak Hain.....

sawad-e-zindagni main

ek esi shaam aati hay

ke jis kay sarmai anchal main

koi phool hota hay

na hathon nain koi tara!

jo aa kar bazoun main tham le

phir bi

rag-o-pay main koi aahat nahin hoti

kisi ki yaad ati hay

na koi bhool pata hay

na koi gham sulagta hay

na koi zakham silta hay

gally milta hay koi khuab

na koi tamna hath milti hay

sawad-e-zindagi main

ek esi shaam ati hay

jo khali hath ati hay!

Bondain Nahin Sitary....
Tapkay Hain Kehkashan Se....
Sadqay Utar Rahay Hain Tum Per Ye Asmaan Se..
Bondain Nahin Sitary....Tapkay Hain Kehkashan Se....
Moti K Rung Rut K Qatray Damak Rahay Hain...
Ya Reshmi Latton Main Jugnoo Chamak Rahay Hain...
Anchal Main Jaisay Bijli Konday Yahan Wahan Se..
Sadqay Utar Rahay Hain Tum Per Ye Asmaan Se..
Bondain Nahin Sitary....Tapkay Hain Kehkashan Se....
Dekhay Tu Koi Alam Bheegay Se Paidrehan ka..
Pani Main Hai Shola Ya Noor Hai Badan Ka..
Angrai Lay Rahay Hain Arman Jawan Jawan Se..
Sadqay Utar Rahay Hain Tum Per Ye Asmaan Se..
Bondain Nahin Sitary....Tapkay Hain Kehkashan Se....
Pehloo Main Akay Maire Kia Cheese Lag Rahi Ho..
Bahon Kay Dairay Main Tasveer Lag Rahi Ho..
Hairan Hon Kay Tumko Dekhon Kahan Kahan Se...
Sadqay Utar Rahay Hain Tum Per Ye Asmaan Se..
Bondain Nahin Sitary....Tapkay Hain Kehkashan Se...
Sadqay Utar Rahay Hain Tum Per Ye Asmaan Se...

kiyaa hai pyaar jise hamane zindagii kii tarah
vo aashanaa bhii milaa hamase ajanabii kii tarah


badhaa ke pyaas merii us ne haath chhod diyaa
vo kar rahaa thaa muravvat bhii dillagii kii tarah


kise Khabar thii badegii kuchh aur taariikii
chhupegaa vo kisii badalii mein chaandanii kii tarah


kabhii na sochaa thaa hamne "Qateel" us ke liye
karegaa ham pe sitam vo bhii har kisii kii tarah

Bara kathin hai raasta jo aa sako tu saath do,
yeh zindagi ka fasla mita sako tu saath do,

Barey fareb khao gey,barey sitam uthao gey
yeh umar bhar ka saath hai,nibha sako tu saath do,

jo tum kaho yeh dil tu kiya mein jaan bhi fida karoon,
jo mein kahon bus ik nazar luta sako tu sath do,

mein ik ghareeb benawa mein ik faqeer be sadaa
meri nazar ki iltija jo pa sako tu saath do,

hazar imtihann yahan hazaar aazmayeishein,
hazaar dukh hazaar ghum utha sako tu saath do,

yeh zindagi yahan khushi ghamoon ka saath hai,
Rula sako tu satth do,hansa sako tu saath do

Mohobat jeet hoti hai mager yeh haar jati hai,
Kabhi dil sooz lamho say, kabhi beykaar rasmoon say,
Kabhi taqdeer walaon say, kabhi majboor kasmoon say,
Kabhi yh khwaab hoti hai, kabhi beytaab hoti hai,
Kabhi yeh dar jati hai, kabhi yeh maa jati hai,
Mohobat jeet hoti hai mager yeh haar jati hai...
Kabhi masroor kerti hai, kabhi yeh sog deti hai,
Kisi ka chain hoti hai, kisi ko rog deti hai,
Kisi ki ankh main humdum, kahan ik baar jati hai,
Jahan tazleeel hois ki, waheen her bar jait hai
Mohobat jeet hoti hai magr yeh haaar jati hai

Barishon k mousam mein
Tum ko yaad karnay ki
Aadatain purani hain

Ab ki baar socha hai
Aadatain badal dalain
Phir khayal aaya k

Aadatain badalnay say
Baarishain nahin rukteen.